Mms بِنكهة آلذوق

11-04-2008, 11:02 AM

ياسر الكنعان

شاعرٌ يمزج الأسر بـ اليسر, فتأتي قصيدته تحمل الكثير من حدّته وعفويته, تقرأه فتعرف يقيناً ان شعره لايستلزم استحضار طقوس ولا شموع تدمع , كل مافي الأمر أنه يلتقط لحظة / حالة فيربّيها حرفاً, تستسلم له صهوة الورقة, ويشهر قلمه رمحاً يطعن , لكنه لايُريق دماً, بل يُفتّق الصلد عن عُشباً وهيجنة ..

الناس راحو.. واصبح العيد ميتم
وكن الرياض بكبرها أصبحت:قبر !
خذ ذآك قلبي أضحية عيد قل: تم
ما عدت بمفارقهم أقدر على صبر!

العيد عيدي عندك.. و بين اياديك
ما هو بعيد... أعايدك بالرساله

ياحظهم عندك.. وحولك حواليك
أما حبيبك.. ما لقى الا ظلاله!!

يا رب وانت مسير الكون ما اخترت
راحت وجتني .. ثم .. راحت وجتني !
هنتني بـ عيدي.. وانا بـ عيدي احترت
سكين في صدري.. لجت واعبرتني !
أنا.. وانا راع العمر { ..ما تذكرت
وشلون هي بـُعد السمـآ .. وذكرتني ..!!

تدرين؟!
يااااا.. أم "الهوى" والأكسجين..
البارحة ضج الحنين..
ما نمت.. همت
وزاد نبضي واستمال الغصن لعيونك وله
مال يابنت الحلال..
وصار رمش العين يطرف أسئله:

كيف ما كنتي معي..؟
كم بقى لي بوجعي؟
من سواك اللي يحرض أدمعي؟
يا لماذا؟ وين هذا؟

كيف ماشوفه وهو بين اضلعي؟؟
البارحة.. يام الهوى والأكسجين..
ضج الحنين..
حسيت بك.. فيني هنا ..
وكرهت كل اللي بعدني عنك.. يا كل العمر..
وحبيتني للمره الأولى..

حسيتني للمره الأولى..
من الـ(سبعة) سنين!!

وانتظرته ..
شي وشوي.. وسهرته ..
شي وشوي.. وظهر صبح ونسى ليل .. وذكرته
واعتبرته.. أغنية صدري لفقري:
يا أمانينا.. عطينا..
ذاب حَرَّ الشمس فينا..
والشقوق اسفل مواطينا.. تعدت في يدينا..
يا أمانينا... تعبنا..
طيب.. طبنا..
غصب.. جبنا!!
شيب.. شبنا.. وما بقى مينا يبينا !
والخيال احتال عمه!
كان يدري كيف انا احتاج لتتمه ..
وكيف هذا الحب.. ذمه..بس ما طاع الأماني..
وانهدر.. دمي ودمه!!
.. و ..
انتظرته!

تكرهيني؟؟
............ ما أظن ..
تعشقيني؟؟
............. ما أظن ..
بس كل اللي أعرفه..
ان فـ غيابك:
.............. أحن..
وانك اقرب ما خلق ربي لقلبي..
واني فـــ حضورك.. أجن !!

في ذمتك.. تبي تروح؟
في ذمتك؟؟
تتركني لحالي... وانا المثخن جروح؟
الله معك..
ماني لحوح!!
رووووح..
يا أطيب وجع.. واشهى ألم..
مسموح..
الله يصبرني بصوتك والخيال..
واستحضره بالذاكرة.. مبحوح!!
الله يساعدني على حال جسدي..
جثة بليا روح!!...
رووووح!!

والله اكذب.. لا تروح!!
طفل متسمر على بابك.. ويكذب..
بس يبكيك بوضوح!!
كل ما مرَّه (بني آدم) على بابك... تلعثم!
صاح بالعالم حزين:
لا تخلونه يبوح!!!

11-04-2008, 11:04 AM

أغير من (القلاده) و(الزمام) / وكل ما يحتك
وافاوضها عشان اشم عطرك.... بعدما ُتخلع!
تخيل! هالـ ( جماد ) اغير منَّه واحترق واشتك
ورغم هذا أجي داخل عليه.. ويسخر ويطلع !!

عطف نورك.. عطا كل الشوارع (أجوبة قدام)
قبل حتى تثار الأرصفة... بخطاك وعطورك
مدينة وارتجافة ناس واحلام.. وتعب وزحام
تحول كلها: مسرح.. وكل الناس: جمهورك!
تخيل كلهم.. عن بكرة اكبرهم.. يبون الهام
وانا لحالي حبيبك بينهم.. وآجيك.. وازورك!!
تخيل كلهم.. عن بكرة اكبرهم.. عبيد احلام
وانا لحالي أسوس الحلم (سيِّد)..دولتي نورك
أجاوبهم نيابة عن حضورك..والسؤال الهام:
انا ماكنت صابر في غيابك.. كيف بحضورك؟

ما سلمت!
وانا عيوني بلمت!!
خذت قلم
شقت من الدفتر ألم
سال الحبر
سالت خطاها للبعيد
وتحول الكادر: قبر!
ومن بعدها.. ما سلمت
ما دقت النمرة غلط.. وتكلمت
وانا تعبت احايل الحلم اللعوب..
أرى فيما يرى النايم..

خيوط وضو
أحاول ارسم بالملامح..

للملامح جو
يحرضني حنيني.. وآتأمل بالقدر يحلو
ولكن لا حياة لـ "لو"!
ما سلمت.. يمكن تمر
عنها يسلم عطرها
ينوب صدفة ويعمر
بالبال ثاني شطرها
السنَّه أحيت بي عمر
والرد يكمل سطرها
بانسى زعلها واستمر
واركض بهاجس قطرها!
بامشي وراها لو عمر
يكفي أكلم عطرها!
ما سلمت..
وانا عيوني للفراغ.. تغني:
متى اشوفك نظر لا هنت..
تعبت من الخيال اللي تجبَّر كل ما أذعنت...
تخيل.. كيف أنا تعبان
من (لا شوفتك) يافلان..
تخيلني.. وانا كل ما طرف عيني دلع انثى...
أشوفه إنت!!
ما سلمت..
صارت خيال انثى..
وانا حادي خيال..
أبكي على الأطلال..
أصل الغياب: انثى
أصل العتاب: انثى
أصل الرجال: عيال!

يصغرون ويكبر الحزن ... وتعاظم دمعه
ودعت خده وطاحت.. ترتفع باحساسه
رااح ما ودع حبيبه.. والبشر مجتمعه
والدموع اللي تركها.. إنتهت منداسه!!

جعلك الغيرة!!
جعل ما يحرق فؤادك غير حبي...
وان تماديتي.. لقتلي..
قلت: خيره!!

لا تنام..
شف معي ذيك السحابة فووووق..
تحمل لك كلام..
نجمتين وصبح واحلام ومواويل و غرام ..
أكتبك فيها..
واغنيها معك برد وسلام..
بس تكفى.. لا تنام!
لو غفيت..
غاب وعيي
في مسا فقدك وحنيت وعنيت..
إنت ماتدري؟؟ زوايا البيت بغيابك.. تبيت!!
وتذكرك.. لوك نسيت..
وتحمل لبعدك ملام..
بس تكفى.. لا تنام !

إن ضاقت الدنيا..
وصدري مو معاي..
بس التفت يمناي..
والقاهم: .. سما....}
وامد شوفي لـ الحكايات الجميلة.. بالمدى ..

واتنفس صدور خوياي!

أهنيك..
يا من (ما عرفتك) ..
بس اهنيك!!
قدرت تعيش: حلمي..
وانت ما شابت خطاويك..
عبرت لـ شطها.. من دون ما تلمح وطن.. يبكيك..!
والبحر ما ماج بحضورك في عبورك..
كم كان - حتى البحر - يتزلف موانيك.... !
واذا طولت - يا من ما عرفتك - بالوصول.. تطول لعيونك: مرافي..
وانا الغرقان في غبة جفافي..
غريب.. وما أبيك تعيش حلمي..
واحسد الدنيا.. عليك.. !
بس اهنيك!

أهواك طفلٍ تمرجل لا..بعد واكثر!
................. أهواك :طفلٍ تشيطن في حكي شايب
فيك اختنق واتنفّس..كلها تقهر
....................... ياكيف انا برتكب ذنبي وانا تايب
أغيب حدّ الوعي..تحضر وانا احضر
................. والمشكلة ماحضرت الا وانا غايب!

قال: تبكي!
قلت: وابكي..
واتهور بالبُكا لين تعفي..
ولين ما يعلن خفوقك لي سلامه..
تحت رجليك الكرامه!!
قال: تبكي!
قلت: وابكي..
تدري يعني ويش (وابكي)؟
واو: عطف وحزن واشياء بشعوري...
تكسر العز بحضوري...
وفعل أبعد ما يكون اسمه: مروّه..
بس بـ (ابكي) لك.. بقوّه..
يمكن تحس (الأخوّه)!
قال: تبكي!
قلت: وابكي...
البُـكا لعيون خيك.. ياوخيك.. ما يعيب..
كان ما عزّك عليها.. وحطك بقدم الربوع..
لا تخاف من الرجوع..
يا قطوع:
سنبلت عيني دموع..
واطلعت لك (حُب) صافي..
كان قاله رب خلقه: ماتجوع!

قال: تبكي!
قلت: وابكي..
والله اني مابكيت الا عشانك.. مرتين..
مره بشوفة جبينك من سنين:
يوم فقت من المرض بيدي مغذّّي..
التفت اعدّل قياسه.. وشفتك..
عالبلاط البارد الموحش تعب..
نايم ٍ نوم متوذّي..
نايم ٍ نومة حزين...
والثانيه: هاللحين!!
قال: تبكي!
قلت: وابكي..
ليه ما ابكي؟
وانت كل الناس.. يالغالي..
أمي وابوي.. وعمي وخالي..
وانت الجمل..
اللي تواسى للثقال..
كل الحمول اللي عجز عن حملها رجّال..
قد شلتها فرد وجموع..
لعيوني لحالي..
وليه ما بكي .. وانت تفديني...
وانا بعد مثلك فداك...
وان ما كفيت اورّث عيالي!!

وين اروح؟!
كل ما رحت لمكان..
أتذكر لك جروح!
.
.
.
وين اروح؟!
حزني اسأل.. والـفضا ماهو سموح!!
.
.
.
وين اروح؟!
لك يا دخيل الله قلي وين اروح....
من كثر ما قلت لك.. زعلوا هلك..
وانتظاري مل وهلك!!
أسرقك يعني واروح؟؟؟؟!
بس... وين اروح؟!

كُلي آمل آن تستمتـعوآ
كمآ آستمتـعت بِهذِهـ آلشآعرية آللآمُتنآهيه

دُمتم

[/b]

11-04-2008, 11:33 AM

مسجآآآآآآت روعه

يعطيك الف عآآآآفيه

عسآآآكـ ع القوه

مح خالص حبي

11-04-2008, 03:11 PM

مشكووره جنون ربي يعاافيس

الصراااحه وسااائط روعه وفيه

اشيااء جدن جدن عجبتني يسلموو

فديـــت طلتي ^_^

11-04-2008, 10:50 PM

,
.

乂 مساء الحب 乂

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الروعه طلتك ، ربي يعافيك ، مشكور على الرد

تِسلـم على مُرٍوٍرٍك

نَوّرٍتْ ,,

’

.. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..’،

.
.
.

11-04-2008, 10:52 PM

,
.

乂 فديت طلتي 乂

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

منوره الصفحه بحلو طلتك ، ان شاء الله دوم تلاقي كل ما هو

مميز ويعجبك ويهنى لك ، مشكوره على الرد الحلو

تِسلـمي على مُرٍوٍرٍك

نَوّرٍتْي ,,

’

.. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..’،

.
.
.

11-04-2008, 11:41 PM

يسلموووووووووووو
ياذووق وربي فديتك وفدية احساسك الي امتعنا واطربنا
وهذا ماهو غريب عليه ان يتحفنا في حضوره ومتميز
في عاطئه دمتي دوم متئلقه خيتوووووه
وياهلا فيك

11-05-2008, 02:53 AM

يسلم يدكِ

11-17-2008, 11:52 AM

يسلموووووو

الصفحة الرئيسية	اضفنا للمفضلة	مركز تحميل الصور	خلاصة شوق القلوب	استعادة كلمة المرور
بلوتوث شوق القلوب	صور انمي	صورXصور	أرشيف المنتدى	إتصل بنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

Mms بِنكهة آلذوق

شوق القلوب عالم الجوال

Mms بِنكهة آلذوق

شوق القلوب عالم الجوال

الذين يشاهدون محتوى الموضوع الآن : 1 ( الأعضاء 0 والزوار 1)