هذي قصيده جتني على الاميل واحببت ان تقروها معي وان شاء الله تعجبكم :
الأ ياوجد عيني ياغرامي
أنا جيتك من الأشواق ضامي
أبي ترفق بشاعر جاك مغرم
يغني الشوق في بحر الهيامي
سرى ليله متاهات وغرايب
بحر حبك من الأشواق طامي
بقى يسامر نجوم (ن) حيرنه
يجاذب ونته مابه منامي
إلى من القدر جابه لعندك
وبين قصته وسط الزحامي
ترفق فيه وأعلن له بدايه
بدايه حب مافيها أنقسامي
توده وأن توده أو يودك
ترى منهو عشق لا مايلامي
أنا من بد خلق الله عشقتك
وسلمتك مقاليد وزمامي
وصورتك غلا يجتاح قلبي
ورفعتك يالغلى بأكبر مقامي
سهرتك لين ماضقت وسهرتك
سهرتك ليل والعالم نيامي
عطيتك خافق (ن) ماباح سده
كسبت الحب وأحرزت الوسامي
أنا ماني خلف ولأ مساعد
أو حجاب أو رشيد أبن الزلامي
أنا شاعر يترجم لك مشاعر
وصف لك فن معسول الكلامي
عسى يامنيتي أرضي غرورك
مدامي بالوفأ نبراس سامي
عسى تبقى بقربي وأهتني بك
ويلعب فوقنا طير الحمامي
بريد الشوق فاضنه عيوني
(( أحبك حيل )) ذا مسك الختامي
تحياتي
عاشق غرام
[/align]
« آخـــر الـــمـــشـــاركــــات »
ترى منهو عشق لا مايلامي!!! 
العرض العادي
